Cantref Newyddion

Rheolwraig Llety â Chymorth yn sicrhau lle ar Farathon Llundain gan redeg ar gyfer Elusen o Gymru

Mon, 06 Feb 2012 12:01:pm GMT

Mae rheolwraig llety â chymorth wedi sicrhau lle ym marathon Llundain Virgin ym mis Ebrill, gan redeg ar ran elusen ganser mwyaf blaenllaw Cymru.

Bydd Louise Webster, sy'n gweithio i Gymdeithas Tai Cantref yng Nghastellnewydd Emlyn, yn rhedeg marathon Llundain ar ddydd Sul 22 Ebrill er mwyn cefnogi Tenovus.

Mae Tenovus yn elusen ganser yng Nghymru sy'n buddsoddi tua £3.9 miliwn y flwyddyn mewn gwaith ymchwil, addysg a gofal ar gyfer cleifion.

Hon fydd y pedwerydd tro i Louise redeg marathon Llundain, gan godi oddeutu £4,000ar gyfer Cymdeithas MS Society, Tenovus ac Amser Justin Time, yr elusen ar gyfer canser y pancreas yng Nghymru.

Dywedodd Louise: “Unwaith eto, rydw i wedi dewis codi arian ar gyfer elusen ganser, gan fy mod yn adnabod nifer fawr o bobl y maent wedi cael eu heffeithio gan ganser neu y maent yn cael eu heffeithio gan ganser ar hyn o bryd; y clefyd creulon hwn.

“Mae'r paratoi yn mynd yn dda. Rydw i'n cymryd rhan mewn pedair sesiwn hyfforddi yr wythnos, gan gyfuno sesiynau dringo rhiwiau ar y beic gyda sesiynau ymarfer gan ddefnyddio pwysau tegell er mwyn datblygu cryfder y coesau, a rhedeg wrth gwrs. Ar y penwythnos, byddaf yn rhedeg am gyfnod hirach ac ar hyn o bryd, rydw i'n llwyddo i redeg 13 milltir mewn un sesiwn.”

“I unrhyw un sy'n hoffi rhedeg ac y maent yn dymuno wynebu her, byddwn yn argymell Marathon Llundain, neu i fynd yno i wylio'r marathon o leiaf. Mae'r cyffro, y cyfeillgarwch a'r gorfoledd ar y diwrnod yn wych.”

Mae marathon Llundain yn un o'r digwyddiadau rhedeg mwyaf yn y byd, a disgwylir y bydd 35,000 o bobl yn tyrru i'r brif-ddinas i roi cynnig ar y cwrs 26.2 milltir. Mae'r digwyddiad wedi codi dros £450 miliwn ar gyfer elusennau ers iddo gael ei sefydlu ym 1981.

Dywedodd prif weithredwr Tenovus, Claudia McVie: “Mae Tenovus yn darparu triniaeth, cyngor a chymorth hanfodol i gleifion canser a'u teuluoedd ar draws Cymru. Rydym yn gwneud hyn lle y gwelir yr angen mwyaf amdano – yng nghalon y gymuned.

“Ond ni fyddai modd i ni wneud hyn heb gefnogaeth hynod werthfawr pobl fel Louise, y maent yn neilltuo cymaint o'u hamser a'u hymdrechion i godi arian ar gyfer Tenovus. Hoffem ddweud diolch yn fawr iawn i Louise am ei haelioni a hoffem ddymuno pob hwyl iddi ar gyfer y marathon.”

Bydd Louise yn rhedeg gyda'i chyn gydweithiwr, Michelle Brewer, y mae'n gweithio i Gyngor Dinas Caerdydd. Gyda'i gilydd, maent wedi ymrwymo i godi £3,200 ar gyfer Tenovus.

Mae modd i chi eu cefnogi trwy droi at http://www.virginmoneygiving.com/team/LouiseandMichelle

Dyfarniad Hyfywedd Ariannol

Wed, 19 Oct 2011 10:27:am BST

Download attachment

Cystadleuaeth Calendr 2012 Cantref

Mon, 27 Jun 2011 16:39:pm BST

Rhowch gynnig ar ein Cystadleuaeth trwy baentio neu dynnu llun ar sail thema Gwyrdd (anifeiliaid neu blanhigion sydd mewn perygl, pethau y gallwn ni eu gwneud i helpu). Gwelwch y poster amgaedig am mwy o fanylion a ffurflen ymgeisio gystadleuaeth.

Cystadleuaeth Calendr 2012 Cantref

Gwobrau Cymunedol 2011 Cantref

Mon, 27 Jun 2011 14:31:pm BST

Gwobrau ar gyfer grwpiau ac unigolion gwobrau mewn pum categori

A ydych chi'n berson arbennig sy'n gweithio'n galed mwyn helpu'ch teulu, eich cymdogion neu'r gymuned leol, neu a ydych yn adnabod person arbennig o'r fath? os felly, beth am enwebu rhywun ar gyfer un o'r Gwobrau.

Prosiect Amgylcheddol
Arloesedd
Tenantiaid yn Dysgu
Cyfraniad i'r gymuned
Gwobr Ieuenctid

Pwy sy'n gallu ymgeisio?

Mae modd i unrhyw un enwebu rhywun.

Rhaid i'r sawl a enwebir fod yn un o breswylwyr Cantref ar hyn o bryd

Gwobrau grwp -tenantiad sy'n ymwneud a grwp cymunedol (nid oes yn rhaid i holl aelodau'r grwp fod yn breswylwyr Cantref)

Sut mae modd ymgeisio?

Bydd angen i chi lenwi ffurflen enwebu (ar gael o swyddfa Cantref trwy ffonio 01239 712000 neu anfon e-post at post@cantref.co.uk, neu mae modd lawrlwytho copi o'r wefan sef www.cantref.co.uk

Bydd angen dychwelyd pob cais erbyn dydd Llun 27 mehefin at: Cymdeithas Tai Cantref, Llys Cantref, Lon Yr Eglwys, Castell Newydd Emlyn, SA38 9AB

Gwobrau Cymunedol 2011 Cantref Ffurflen Enwebu

Adolygiad o'r Gwasanaeth Ymddygiad Gwrthgymdeithasol

Thu, 27 Jan 2011 12:08:pm GMT

A ydym yn gwneud y peth iawn?

Mae Cantref yn falch o'r ffaith ein bod yn cynnig gwasanaeth rheoli ystadau, sy'n ceisio sicrhau bod ein holl denantiaid yn mwynhau eu cartref heb iddynt ofni dioddef ymddygiad gwrthgymdeithasol. Er gwaethaf ein hymdrechion, mae lleiafrif o denantiaid yn mynnu parhau i geisio diflasu bywydau eu cymdogion yn ddyddiol.

Fel Landlordiaid Cymdeithasol Cofrestredig, ar y cyd gyda'n partneriaid megis yr Heddlu a Diogelwch Cymunedol, mae gennym bwerau i fynd i'r afael gyda mwyafrif yr achosion o ymddygiad gwrthgymdeithasol lle y mae modd casglu tystiolaeth. Byddwn bob amser yn ceisio delio gydag ymddygiad gwrthgymdeithasol trwy gyfrwng ymyrraeth gynnar, gan gynnig cymorth i ddioddefwyr a'r rhai sy'n ymddwyn fel hyn, er mwyn ceisio sicrhau bod modd i'r ddwy ochr barhau i fwynhau eu tenantiaethau a pharhau i fyw yn yr ardal y maent wedi dewis byw ynddi.

Er yr hyn yr ydym yn ei gyflawni eisoes er mwyn mynd i'r afael gydag ymddygiad gwrthgymdeithasol, rydym yn ceisio sicrhau gwelliant o hyd.

Mae angen i ni gael gwybod gennych chi a ydym yn gwneud y pethau cywir?

Os na, sut fyddech yn dymuno i ni newid y gwasanaeth?

Rydym yn dymuno sefydlu grŵp ffocws a fydd yn adolygu ein gweithdrefnau ymddygiad gwrthgymdeithasol, gan ystyried ffyrdd y gallwn wella'r hyn yr ydym yn ei wneud eisoes o fewn Cantref. Y nod yw addasu'r gwasanaeth yn unol â'r hyn sydd ei angen arnoch chi fel tenantiaid.

Os hoffech fod yn rhan o'n grŵp, mae croeso i chi ein ffonio neu anfon e-bost atom. Byddem yn gwerthfawrogi'ch help yn fawr.

Os ydych o'r farn na fyddai cymryd rhan mewn grŵp yn rhywbeth addas i chi, ond hoffech roi adborth i ni am y ffordd y mae Cantref yn delio gydag ymddygiad gwrthgymdeithasol, unwaith eto, mae croeso i chi gysylltu â ni. Efallai eich bod chi wedi cael profiad arbennig, neu efallai bod ffrind wedi sôn wrthych am brofiad perthnasol, felly a fyddech gystal â rhoi gwybod i ni am hyn, oherwydd hoffem ystyried yr holl sylwadau – cadarnhaol a negyddol.

Mae modd i chi ein ffonio ar 01239 712000, anfon e-bost at post@cantref.co.uk neu droi at ein gwefan sef www.cantref.co.uk